رمضان يقترب

موضوع: رمضان يقترب الأربعاء يوليو 07, 2010 3:59 pm

بسم الله الصلاه و السلام على رسول الله افضل المرسلين

قرات هذا الموضوع و اعجبني جدا اتمنى ان تقرؤوه كاملا:

باختصار يا جماعه الموضوع ان منزلوا دلوقت علشان نلحق نفسنا ...
نلحق نفسنا...؟ نلحق نفسنا من ايه؟؟؟؟؟

عارفين يا جماعه سيدنا كعب بن مالك لما بشره الصحابى و قال له : ابشر بخير يوم مر عليك منذ ولدتك امك
انا نفسى اقولكم مين يا جماعه ان شاء الله هنجى فى يوم 29 رمضان او 30 و هنقوله ابشر بخير شهر مر عليك منذ ولدتك امك ...

مين يا جماعه اللى هنقوله مبروك عليك البرآءه من النار....؟

مين يا جماعه اللى هنقوله مبروك عليك البرآءه من النفاق...؟

مين يا جماعه اللى هنقوله مبروك عليك ال30 حجه و عمره....؟

مين يا جماعه اللى هنقوله مبروك عليك االعشر ختمات للقرآن....؟

مين يا جماعه اللى هنقوله مبروك عليك كتبت من المستغفرين بالأسحار و من القانتين....؟

و مين هنقوله مبروك العتق .......ومين ........ . ومين.......... .ومين؟

و مين فينا اللى هيكون سعيد و فرحان و استحق العيد فعلا ........ ومين اللى هيقول الحمد لله فعلا ده احلى رمضااااان فى حياتى

و مين فينا هيكون ندمان و من جوه بيتحسر و زعلان على رمضااان انه ضاع منه ....و ميعرفش يختم اكتر من ختمه....ومصلاش التراويح الا كام يوم فى اول رمضان و بعد كده ......

... ساب التراويح و القيام و جمال مناجاه الله ....

و الله حسره ما بعدها حسره.........لو رمضان فات من غير من نكون من عتاقاء الله من النار.....طب و العمل؟؟؟؟
لازم يا جماعه نكون فعلا رجاله ....خلى لنفسك شعار دايما معاك فى رمضان ...و انت يا اختى خلى ليكى قرار و شعار هو سبيلك فى رمضان ....

يعنى مثلا شعارنا اول 10 آيام ( لن يسبقنى الى الله احد )

و خلى هو ده شعارك ..... كل ما تلاقى نفسك بتاخدك للفرجه على فيلم ولا مسلسل ...قول (لأ )

لن يسبقنى الى الله ...... و اجرى على المصحف و اقراء و كمل و بدل ماتختم ختمه و احده خليهم اتنين ....و بدل ما يكونوا اتنين خليهم

تلاته و خليك راجل و لو مره واحده مع الله ...

اذا كانت الختمه فى الأيام العاديه تعدل حوالى 3 مليون حسنه فما بالكم فى رمضان

طب وشعارنا فى الأعشره الأواسط شعارك ( اثبت احد )

فاكرين الكلمه دى لما الرسول قالها لأحد ....... انا النهارده عاوز تقولها لنفسك لما تلاقى نفسك هتبتدى تتكاسل فى العباده .....قول

لنفسك لأ مش هكسل ... انا معاك يا رب .....مش هفوت الفرصه المره دى يا رب....يا رب اعتق رقبتى يا رب انا مش هتنازل عن دعوتى و علمى برحمتك و عفوك مش هيخلينى ايأس من رحمتك ...
طب و العشر الأواخر......خلالالالالاص يا رب انا ليك انت و بس ....اعتكاف ...و قيام ليله القدر .... و دعوه و بكاء و الحاح فى الدعاء....يارب
قبلتنى و اعتقت رقبتى و لا لأ...؟؟؟؟
و الله يا جماعه رمضان ده فرصه العمر لتجميع اكبر كم من الحسنات ... ؟؟؟

و آخر حاجه عاوز اقولهالكم ان شعارك فى الحياه بعد رمضان هو ( المره دى لأ...؟ )

كل ما تلاقى نفسك هترجع للأغانى تانى قولها المره دى لأ....مش بعد ما سيبتها فى رمضان هرجع تانى ....مش بعد ما دوقت حلاوه

الطاعه و القرب من ربنا هرجع تانى؟؟؟

و انت يا اخيتى ...اوعى بعد رمضان تخلعى حجابك.....اوعى ترجعى تانى ...اوعى تحرقى حسناتك اللى تعبتى فيها فى رمضان بسبب

نظره واحد من شاب اتفتن بيكى ممكن تضيع كل اللى انت عملتيه....؟؟؟

شوفى بقه قيامك ...و صيامك ...و بكائك ...و دعائك ممكن يضيع بمظره و احده ليكى فى حراااااااااااام
اخوانى و اخواتى.....فى الله

و الله دى تذكره و النهارده...احنا لسه 3 رمضان و لسه الفرصه موجوده و اللى بدأ يرجع تانى يقول لأ (لن يسبقنى الى الله احد )

و عاوزين فعلا نيجى آخر يوم فى رمضان و نهنى بعض و نقول للأخ و الأخت اللى ختم القرآن .مبروك عليك......حبك و قرآتك لكلام الله

و عاوزين اللى نقوله يا حاج ... و ده اللى هيحافظ على جلسه الضحى بعد الفجر و ده كمان للأخت ممكن تاخد نفس الثواب فى بيتها و ان

شاء الله نقولها برضه الف مبروك عليكى 30 حجه و عمره

و عاوزين اللى هنقوله مبروك عليك العتق من النار..... وده اللى حافظ على الدعاء و الح فى الدعاء

و آخيرا احب اقولكم ان رمضان هو تلات كلمات (دعوه . قرأن . صنع خير )

اي والله رمضان قرب ولازم نستعدلوا بكل شي

ما بقى الا اسابيع

الله يعطيكي العافية

RaGHaD

» كنوز رمضان
» رمضان شهر القران
» معاني حروف (رمضان)
» رمضان بلا تلفاز ... صوم بإمتياز‏
» في رمضان .. صم عن اهدار وقتك !!