ماكذبت أمي عليّ .. يوم قالت ..
لاتنام إلا متوضي ...
وصل .. لله ركعتين ..
واقرالك لو آيتين ..
وارفع يديك وتضرع .. بالدعاء ..
يشرق النور بجبينك ..
أحلام توحش ..
وماتقوم الصبح ..
مهموم .. وحزين ..
ماكذبت أمي عليّ .. يوم قالت ..
لاتفرط في صلاتك ..
ولايغرك حب ذاتك ..
ولايبل الريق مسكر ..
حتى لو يبست لهاتك ..
إحرص .. تصلى جماعه ..
وكل ساعه ..
راقب الله في حياتك ..
ماكذبت أمي عليّ .. يوم قالت ..
لاتصير إنسان جارح ..
إضحك بوجه الجميع ..
عامل الناس بتسامح ..
لاتفرط في حقوقك ...
لاتجامل في النصائح ..
ولاتثور .. تصير فاضح ..
وإن لمست عيب صاحب ..
لاتنافق .. ولاتصارح ..
وإنتبه من هالنصيحه ..
لاتصير إنسان غامض ..
ولاتصير إنسان واضح ..
ماكذبت أمي عليّ .. يوم قالت ..
RaGHaD
